جملہ سلاسل کی اجازت وخلافت
آپ نے ایک سو نوّے (۱۹۰) اولیائے کرام سے شرف ملاقات اورنعمتیں حاصل فرمائیں اور اس کے علاوہ بیشمار اولیائے روز گار اور مشائخ کبارسے ملاقات فرمائی۔ آپ نے جملہ مقامات مقدسہ کی زیارت فرمائی،اور مختلف ممالک میں مزارات مشائخ اولیاء پرحاضری دی اور ان سے فیوض و برکات حاصل کیے۔ آپ نے اجلۂ مشائخ زمانہ کی خدمت میں حاضری دی اور خرقہ و دیگر تبرکات حاصل کیے۔ اوربعض مشائخ کی خدمت میں چند دنوں رہے۔ اگر چہ آپ کو سلسلہ چشتیہ بہشتیہ میں بیعت خاص تھی؛ لیکن آپ نے جملہ سلاسل میں بیعت عامہ حاصل کی۔ اور ہر سلسلہ کے برکات سے مستفید ہوئے، سلسلۂ نقشبندیہ کی بیعت ونعمت تو خود صاحب سلسلہ شیخ الشیوخ خواجۂ خواجگان حضرت بہاء الدین نقش بند رحمتہ اللہ علیہ سے آپ کوملی، سلسلۂ قادریہ وسہروردیہ کی بیعت ونعمت آپ کو حضرت مخدوم جہانیاں قدس سرّہ العزیز سے حاصل ہوئی، آپ دوسری بار جب حضرت کی خدمت میں حاضر ہوئے تو اس مرتبہ آپ کو چودہ خانوادوں کی اجازت و خلافت عطافرمائی، اور جتنے مشائخ سے جوبقیدحیات تھے یا واصلِ بحق ہو چکے تھے ان کی روحانیت سے حضرت مخدوم جہانیاں کو جو نعمتیں حاصل ہوئی تھیں وہ سب آپ نے حضرت غوث العالم کو عنایت فرمادیں،یہی وجہ ہے کہ آپ نے جملہ سلاسل میں جس کو جہاں چاہا مرید فرمایا اور جوشخص سلسلۂ اشرفیہ میں مرید ہوا گویاوہ جملہ سلاسل میں مرید ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972